LA ESFOYAZA
Una de les celebraciones asturianes típiques d'esti tiempu ye La Esfoyaza, el llabor comunitariu d'esfoyar, de quitar la fueya a les panoyes de maíz. Al ser les colleches d'esti cereal mui abondantes, y ser tamién el maíz l'alimentu básicu del mundu rural asturianu, esti trabayu féxose en comuña durante sieglos.
Vecinos y familiares xuntábense y facíen grandes montones de panoyes, frente a los que se sentaben yá los Esfoyadores a esfoyar. Estos quitaben le fueyes a les panoyes, menos a dos o tres, les más fuertes, que servíen pa que los enrestradores les enrestraren, fixeren con elles una riestra.
El local onde tenía llugar la esfoyaza había ser ampliu y espaciosu, pa ser a trabayar comodamente y la esfoyaza convertíase nuna celebración. Mozos y moces cuntaben cuentos, lleendes y tradiciones.
El trabayu nun quitaba pa que nun hubiera folixa y cantares...
Cuando acababa'l trabayu los dueños de la casa na que se facía la esfoyaza preparaben un convite especial: La Garulla. Tamién se celebraben dellos xuegos y deportes tradicionales ente tolos participantes.
Tovía se celebren esfoyaces. Anque más que por necesidá agrícola y económica ye pol enfotu en conservar una tradición qu'adaptada a los nuevos tiempos merez la pena siguir calteniendo.
Pincha nos siguientes enllaces onde se explica como é esta tradición asturiana.
No hay comentarios:
Publicar un comentario